الأسئلة المتكررة
✨ مرحبا بك فـ Hinsal ✨
هنا تلقى الأجوبة على أغلب الأسئلة ديالك بخصوص المنتجات، التوصيل، الأداء، وسياسة الاسترجاع. حاولنا نجمعو ليك كلشي باش تسهّل عليك تجربة التسوق معانا
🔍 ما لقيتيش جوابك هنا؟ ما كاين حتى مشكل، تواصل معانا بكل سهولة ومرحبا بك ديما :
📞212650617141+
📧 hinsalstore@gmail.com
حنا هنا باش نعاونك ونجاوبوك فأقرب وقت ممكن. رضى الزبناء ديالنا هو أولويتنا 💛
📦 قسم التوصيل والشحن
❓ 🚚 إمتى غادي توصلني الكوموند ديالي؟
ملي كترسل الكوموند ديالك كنتواصلو معاك فضرف ساعة أو ساعتين نأكدو معاك المعلومات والا كانو شي إضافات بحال اللون او العبار….
من بعد كنوجدو ليك الكوموند وكنرسلوها مع شركة التوصيل وكتوصلك مابين 24 ساعة تال 72 ساعة على حساب المدينة ديالك
❓📨 ماوصلاتنيش الكوموند كاملة؟
حيت كنخدمو مع بزاف ديال الموردين والمخازن، ممكن توصلك الطرود ديالك على دفعات.
✅ ما تقلقش، هادشي عادي.
✅ المهلة المتوسطة: 1 حتى 4 ايام.
✅ إلا فاتت 4 ايام وما وصلاتكش الطرود كاملة، راسلنا ونحلو معاك المشكل.
❓📍 فين كيوصل التوصيل؟
كنوصلو لجميع المدن المغربية فابور
✅ التوصيل حتى باب الدار.
✅ ما كنخدموش مع نقط الاستلام حالياً.
🛒 قسم الطلب والتعديل
❓✏️ واش نقدر نلغـي ولا نعدل الكوموند ديالي؟
إييه، تقدر تلغي أو تعدل الكوموند ديالك غير قبل ما نرسلوها.
📱 تواصل معانا فالواتساب في أقرب وقت ممكن باش نقدر نوقفوها أو نعدلوها ليك.
📦 ولكن إلا كانت الكوموند صافي ترسلات, مع الأسف، ميمكنش نعدلوها أو نلغيوها.
❓📥 كيفاش نتاكد بللي طلبيتي تسجلات؟
من بعد ما تكمل الطلب، غادي نرسلو ليك رسالة فـ واتساب فـ ظرف 2 سوايع فيها جميع المعلومات باش تأكد لينا الطلبية.
📆 إلا داز نهار وما جوبتيناش، أو الرقم لي عطيتينا ما فيهش واتساب، غادي نحاولو نتاصلو بيك بالتلفون.
📱 وما تنساش، إلا ما توصلناش معاك، تقدر ديما تتواصل معانا فالواتساب باش تأكد أو تستفسر على الطلب ديالك.
💳 قسم الأداء والأمان
❓ 💰 شنو طرق الأداء اللي كتقبلو؟
كنقبلو الأداء عند الإستلام (الدفع نقداً) فاش توصلك الطلبية، بلا ما تحتاج تخلص مسبقاً. وكتوصلك مابين 24 ساعة تال 72 ساعة على حساب المدينة ديالك
❓📨 واش نقدر نقلب الكوموند قبل مانخلص؟
بطبيعة الحال! قبل ما تخلص، من حقك تشوف وتفحص الكوموند ديالك باش تتأكد باللي كلشي تمام.
إلا كان شي مشكل، ماكتحتاجش تخلص، غير تواصل معانا على الواتساب باش نلقاو ليك حل سريع 👌
💥 قسم المنتجات والمشاكل
❓ 📦 المنتوج وصلني خاسر ولا ماخدامش؟
صيفط لينا فالواتساب قبل ما تدوز 7 أيام من نهار توصلتي بالمنتوج، وكتب لينا :
تاريخ التوصيل
المشكل لي فيه
صور أو فيديو توضح العيب
📌 ماغاديش نطلبو منك ترجع المنتوج، بل بالعكس:
غادي نرسلو ليك واحد جديد وتحتافض بالقديم
وإلا كان المنتوج سالَا من المخزون، غادي نرجعو ليك فلوسك بلا ما تحتاج ترجعو
❓🎁 المنتوج مختلف على التصويرة؟
حنا كنحرصو بزاف على دقة الصور والوصف باش يوصلك المنتوج كيف ما شفتيه.
فالصفحة ديال كل منتوج، غادي تلقى صور حقيقية وخاصيات واضحة.
وإذا مازال عندك شي شك، تقدر تطلب صور إضافية أو تفاصيل أكثر فـ أي وقت عبر الواتساب قبل ما تأكد الطلب ديالك.
🍽️ قسم الأسئلة على HinSal
❓⭐ علاش نشري من HinSal؟
✅ منتوجات مطبخ عملية وعصرية
✅ جودة عالية وتمن مناسب
✅ ديزاين زوين
✅ خدمة زبناء ديما في الاستماع
❓👨🍳 شكون HinSal؟
HinSal مشروع عائلي بدا من حبنا للطهي والإبداع، والهدف ديالنا نسهلو عليك حياتك اليومية ونجمعو الناس حول المائدة.
🧩 أسئلة إضافية
❓🔄 واش نقدرو نبدلو منتوج بواحد آخر؟
حنا للأسف ما عندناش نظام تبديل مباشر. إلا ما عجبكش المنتوج، يمكن ترجعو خلال فترة محددة ونرجعو ليك الفلوس، بشرط يكون فحالته الأصلية.
❓⏳ شحال مدة صلاحية العروض والتخفيضات؟
العروض كتكون محددة فمدة قصيرة، تلقى التواريخ ديالها مكتوبة مع كل عرض فالموقع.
❓🕘 فين نقدر نتواصل معاكم؟
✅ 📧 عبر الإيميل: hinsalstore@gmail.com
✅ 📞 بالتلفون او فالواتساب: 212650617141+
❤️ ما لقيتيش جوابك هنا؟
